மாநிலங்களவையிலும் தேசிய ஜனநாயக கூட்டணி பெரும்பான்மை பெற வாய்ப்பு...!
2021- இல் மாநிலங்களவையிலும் தேசிய ஜனநாயக கூட்டணிக்கு பெரும்பான்மை கிடைக்க வாய்ப்பு உள்ளது.
பதிவு: மே 28, 2019 00:00 AM மாற்றம்: மே 28, 2019 12:50 PM
புதுடெல்லி,

அண்மையில் நடந்து முடிந்த மக்களவை தேர்தலில் பாஜக தலைமையிலான தேசிய ஜனநாயக கூட்டணி 353 இடங்களில் வெற்றி பெற்று தனிப்பெரும்பான்மை பெற்றது. பாஜக மட்டும் தனித்து 303 இடங்களில் வென்றது.  இதற்கு அடுத்தப்படியாக 52 தொகுதிகளில் மட்டுமே காங்கிரஸ் வென்று மக்களவையில், எதிர்க்கட்சி தலைவர் அந்தஸ்து கூட பெற முடியாத நிலையில் உள்ளது.

கடந்த முறை, மோடி அரசு மக்களவையில் தனிப்பெரும்பான்மையுடன் ஆட்சி அமைத்த போதிலும், மாநிலங்களவையில் அக்கட்சிக்கு பெரும்பான்மை பலம் இல்லை. இதனால், முத்தலாக் மசோதா உள்பட பல முக்கிய மசோதாக்களை நிறைவேற்ற முடியாமல் மோடி அரசு  தவித்தது. இந்த சூழலில், விரைவில் மாநிலங்களவையிலும் தேசிய ஜனநாயக கூட்டணி தனிப்பெரும்பான்மை பெறும் என கூறப்படுகிறது. 

ராஜ்யசபாவில் மொத்தமாக 250 இடங்கள் உள்ளன. அதில் பாஜக தலைமையிலான கூட்டணிக்குத் தற்போது 102 இடங்கள் உள்ளன. எதிர்க்கட்சிக்கு 65 இடங்கள் உள்ளன. பெரும்பான்மை பெற 124 இடங்கள் தேவைப்படும்.  ராஜ்யசபாவில் இந்த ஆண்டு 10 இடங்கள் காலியாகும். அடுத்த ஆண்டு 72 இடங்கள் காலியாகும். 2020- ஆம் ஆண்டில் காலியாகும் 10 மாநிலங்களவை இடங்கள் உத்தர பிரதேசத்தைச் சேர்ந்தவையாகும். அங்கு பாஜக-வுக்குப் பெரும்பான்மை உள்ளது. இதனால் 10-ல் 9 இடங்களை பாஜக கைப்பற்ற வாய்ப்புள்ளது. 

உத்தர பிரதேசத்தை பொறுத்தவரை இந்த ஆண்டு நடந்த மக்களவை தேர்தலில் மொத்தம் இருக்கும் 80 இடங்களில் பாஜக கூட்டணி 64-ஐ கைப்பற்றியது. சமாஜ்வாடி - பகுஜன் சமாஜ் 15 இடங்களைப் பிடித்தது. காங்கிரஸ் கட்சி ஒன்றில்தான் வெற்றி பெற்றது.  பாஜக தற்போது ஆட்சியில் இருக்கும் மாநிலங்களான மகாராஷ்டிரா, ஹரியானா, ஜார்கண்ட் உள்ளிட்டவைகளில் இந்த ஆண்டு முடிவில் சட்டமன்றத்தேர்தல் நடக்க உள்ளது. இந்த அனைத்து மாநிலங்களிலும் பாஜக மீண்டும் ஆட்சியை பிடித்தால், ராஜ்யசபாவில் அக்கட்சியால் பெரும்பான்மை பெற முடியும். எனவே,  2021-இல் மாநிலங்களவையில், தேசிய ஜனநாயக கூட்டணி பெரும்பான்மை பெறுவதற்கான வாய்ப்பு உள்ளது. 

ராஜ்யசபாவில் பெரும்பான்மை பெறுவதன் மூலம் பாஜக, மசோதாக்களுக்கு சுலபமாக ஒப்புதல் பெற முடியும். குறிப்பாக முத்தலாக் மசோதா, குடியுரிமை மசோதா போன்ற மசோதாக்களை பாஜக அரசு நிறைவேற்ற முடியும். 
மேலும் செய்திகள்
ராஜினாமா முடிவில் ராகுல் காந்தி பிடிவாதம் : மீண்டும் காரிய கமிட்டி கூடுமா?
ராஜினாமா முடிவில் ராகுல் காந்தி பிடிவாதமாக இருப்பதால் மூத்த தலைவர்கள் மீண்டும் கூடி ஆலோசனை நடத்த உள்ளனர்.
பதிவு: மே 28, 2019 00:00 AM மாற்றம்: மே 28, 2019 11:23 AM
புதுடெல்லி,

நாடாளுமன்ற தேர்தலில் ஏற்பட்ட தோல்வி குறித்து விவாதிக்க கடந்த 25-ந் தேதி காங்கிரஸ் காரிய கமிட்டி கூட்டம் நடைபெற்றது. இந்த கூட்டத்தில் தோல்விக்கு பொறுப்பேற்று காங்கிரஸ் தலைவர் ராகுல் காந்தி தனது தலைவர் பதவியை ராஜினாமா செய்வதாகவும், தனது குடும்பத்தை சேராத ஒருவரை தலைவராக நியமிக்க வேண்டும் என்றும் கூறினார்.

இதனை கட்சியின் நிர்வாகிகள் ஏற்க மறுத்தனர். கட்சியின் மூத்த நிர்வாகிகள் தங்கள் மகன்களுக்கு ‘சீட்’ கேட்டு தன்னை தொந்தரவு செய்ததாகவும் ராகுல் காந்தி கூறியதாக தகவல்கள் வெளியாகின. 

இந்நிலையில் கர்நாடகா மற்றும் ராஜஸ்தானில் உள்ள காங்கிரஸ் மாநில அரசுகளும் நெருக்கடியை சந்தித்து வருகின்றன. இந்த தகவலும் காங்கிரஸ் தலைவர்களை அதிர்ச்சி அடையச் செய்துள்ளது.

இதற்கிடையே சில மாநில காங்கிரஸ் தலைவர்கள் தங்கள் பதவியை ராஜினாமா செய்ய தொடங்கி உள்ளனர். பஞ்சாப் மாநில தலைவர் சுனில் ஜாகர், ஜார்கண்ட் அஜய்குமார், அசாம் ரிபுன் போரா, ராஜஸ்தான் அசோக் கெலாட், உத்தரபிரதேசம் ராஜ்பாப்பர், மராட்டியம் அசோக் சவாண் ஆகியோர் தலைவர் பதவியை ராஜினாமா செய்துள்ளனர்.

காரிய கமிட்டி கூட்டத்தில் காங்கிரஸ் தலைவர் பதவியை ராஜினாமா செய்வதாக கூறிய ராகுல் காந்தி தனது முடிவில் உறுதியாக இருப்பதாகவும் தகவல் வெளியாகி உள்ளது. கட்சி நிர்வாகிகள் யாரையும் சந்திக்காமல் ராகுல் காந்தி  தொடர்ந்து தவிர்த்து வருகிறார் என கூறப்படுகிறது. இந்த நிலையில் தமிழக காங்கிரஸ் எம்.பி.க்கள் தலைநகர் டெல்லியில் முகாமிட்டு ராகுல் காந்தியை சந்திக்க காத்திருக்கின்றனர். மேலும் தமிழ்நாடு காங்கிரஸ் கட்சித் தலைவர் கே.எஸ்.அழகிரி ராகுல் காந்தியை சந்திக்க நேரம் ஒதுக்க தொடர்ந்து இரண்டு நாட்களாக டெல்லியில் தங்கி முயற்சித்து வருகிறார். ஆனால் ராகுல் காந்தி இன்னும் நேரம் ஒதுக்காமல் இருக்கிறார். தமிழக எம்.பி.க்கள் காங்கிரஸ் கட்சியின் முன்னாள் தலைவர் சோனியா காந்தியையும் சந்திக்க முயற்சி செய்து வருவதாகவும் தகவல்கள் தெரிவிக்கின்றன.

கட்சியின் தூதுவர்களாக மூத்த தலைவர்கள் அகமது பட்டேல், கே.சி. வேணுகோபால் ஆகிய இருவர் மட்டும் நேற்று காலை ராகுல் காந்தியை சந்தித்து பேசினார்கள். அவர்கள் சமாதானத்தை ஏற்க மறுத்த ராகுல் காந்தி, தனது முடிவில் உறுதியாக இருப்பதாக கூறியுள்ளனர்.

காங்கிரஸ் தலைவர்கள் இது குறித்து  விவாதிக்க, இந்த வாரம் மீண்டும் காரிய குழு கூட்டத்தை கூட்டப்போவதாக் தகவல் தெரிவித்தனர். ஆனால் இதை காங்கிரஸ் மறுத்து உள்ளது.
மேலும் செய்திகள்
தொடர்புடைய செய்திகள்
நடந்து முடிந்த 2019 நாடாளுமன்ற தேர்தலுக்காக மொத்தமாக 60 ஆயிரம் கோடி ரூபாய் செலவழிக்கப்பட்டுள்ளதாக சிஎம்எஸ் என்ற தனியார் ஆய்வு அமைப்பு தெரிவித்துள்ளது.
நாடாளுமன்ற தேர்தலில் வெற்றி பெற்ற எம்.பி.க்களில் 43 சதவீதம் பேர் மீது குற்ற வழக்குகள் இருப்பதாக ஜனநாயக சீர்திருத்த சங்கம் என்ற அமைப்பு தெரிவித்துள்ளது.
மண்டியா நாடாளுமன்ற தொகுதியில் சுயேச்சையாக போட்டியிட்ட நடிகை சுமலதா, முதல்–மந்திரி குமாரசாமியின் மகனை ஒரு லட்சம் வாக்குகள் வித்தியாசத்தில் வீழ்த்தி அபார வெற்றி பெற்றார்.
கரூர் தொகுதியில் ஜோதிமணி முன்னிலை பெற்றுள்ளார். 10 சுற்றுகள் விவரம் வெளியாகி உள்ளது.
காங்கிரஸ் ஆளும் மாநிலங்களிலும் வெற்றி பெற்று தனது வலிமையை பா.ஜ.க. காட்டியுள்ளது.
புதிய எம்.பி.க்கள் பதவி பிரமாணம் தேர்தலுக்கு பின் முதல் கூட்டத்தொடர் நாடாளுமன்றம் ஜூன் 6-ந்தேதி கூடுகிறது ஜனாதிபதி உரை நிகழ்த்துகிறார்
தேர்தலுக்கு பின், நாடாளுமன்றம் முதன் முதலாக வருகிற ஜூன் 6-ந்தேதி கூடுகிறது. முதல் நாள் நடைபெறும் கூட்டு கூட்டத்தில் ஜனாதிபதி ராம்நாத் கோவிந்த் உரை நிகழ்த்துகிறார். தற்காலிக சபாநாயகர், புதிய எம்.பி.க்களுக்கு பதவி பிரமாணம் செய்து வைப்பார்.
பதிவு: மே 28, 2019 00:00 AM மாற்றம்: மே 28, 2019 05:14 AM
புதுடெல்லி,

17-வது நாடாளுமன்றத்தை தேர்ந்தெடுக்க ஏப்ரல் 11-ந்தேதி தொடங்கி கடந்த 19-ந்தேதி முடிய 7 கட்டங்களாக தேர்தல் நடைபெற்றது.

இந்த தேர்தலில் பாரதீய ஜனதா தலைமையிலான தேசிய ஜனநாயக கூட்டணி வாக்குப்பதிவு நடந்த 542 தொகுதிகளில் 353 தொகுதிகளை கைப்பற்றி அமோக வெற்றி பெற்றது. இதில் பாரதீய ஜனதா மட்டும் 303 இடங்களில் வெற்றி பெற்று தனி பெரும்பான்மை பெற்றது.

என்றாலும் தோழமை கட்சிகளையும் சேர்த்துக்கொண்டு பாரதீய ஜனதா மீண்டும் கூட்டணி ஆட்சி அமைக்கிறது. புதிதாக தேர்ந்து எடுக்கப்பட்ட பாரதீய ஜனதா எம்.பி.க்கள் கூட்டத்தில் மோடி மீண்டும் பிரதமராக தேர்வு செய்யப்பட்டார்.

இதைத்தொடர்ந்து, ஜனாதிபதி விடுத்த அழைப்பை ஏற்று அவர் வருகிற 30-ந்தேதி தொடர்ந்து 2-வது முறையாக பிரதமராக பதவி ஏற்க இருக்கிறார். அவருடன் மந்திரிகளும் பதவி ஏற்பார்கள்.

காங்கிரஸ் அல்லாத ஒரு தலைவர் தொடர்ந்து இருமுறை பிரதமராக பதவி ஏற்பது இதுவே முதல் முறை ஆகும். இதற்கு முன் காங் கிரஸ் கட்சியைச் சேர்ந்த ஜவகர்லால் நேரு, அவரது மகள் இந்திராக காந்தி, மன்மோகன் சிங் ஆகியோர் தொடர்ந்து இருமுறை பிரதமராக பதவி வகித்து உள்ளனர்.

இந்தநிலையில், புதிதாக தேர்ந்து எடுக்கப்பட்ட 17-வது நாடாளுமன்றத்தின் முதல் கூட்டத்தொடர் வருகிற ஜூன் மாதம் 6-ந்தேதி தொடங்குகிறது. ஜூன் 15-ந்தேதி வரை இந்த கூட்டத்தொடர் நடைபெறும் என்று தகவல்கள் வெளியாகி உள்ளன.

முதல் நாள் கூட்டம், மக்களவைக்கு புதிதாக தேர்ந்து எடுக்கப்பட்ட எம்.பி.க்கள் மற்றும் மாநிலங்களவை உறுப்பினர்கள் கலந்துகொள்ளும் கூட்டு கூட்டமாக நடைபெறும். அந்த கூட்டத்தில் ஜனாதிபதி ராம்நாத் கோவிந்த் உரை நிகழ்த்துவார்.

அன்றே நாடாளுமன்ற மூத்த உறுப்பினர் ஒருவர் தற்காலிக சபாநாயகராக தேர்வு செய்யப்படுவார் என்று தெரிகிறது. அவர் புதிதாக தேர்ந்து எடுக்கப்பட்ட உறுப்பினர்களுக்கு பதவி பிரமாணம் செய்து வைப்பார்.
ஜூன் 10-ந்தேதிக்கு முன் சபாநாயகர் தேர்ந்து எடுக்கப்படுவார்.

அதன்பிறகு நாடாளுமன்றத்தின் இரு அவைகளிலும், ஜனாதிபதியின் உரைக்கு நன்றி தெரிவிக்கும் தீர்மானத்தின் மீது விவாதம் நடைபெறும். பின்னர் அந்த விவாதத்துக்கு பிரதமர் மோடி நன்றி தெரிவித்து பேசுவார். அதன்பிறகு அந்த தீர்மானம் ஒருமனதாக நிறைவேற்றப்படும்.

பிரதமர் மோடி தலைமையிலான புதிய மந்திரிசபை கூட்டம் 31-ந்தேதி நடைபெறுகிறது. நாடாளுமன்றம் கூடும் தேதியும், எத்தனை நாட்கள் கூட்டத்தொடரை நடத்துவது என்பது பற்றியும் அதில் இறுதி செய்யப்படும் என்று எதிர்பார்க்கப்படுகிறது.
மேலும் செய்திகள்