தி.மு.க. மக்களவை குழு தலைவராக டி.ஆர். பாலு தேர்வு
தி.மு.க. மக்களவை குழு தலைவராக டி.ஆர். பாலு தேர்வு செய்யப்பட்டு உள்ளார்.
பதிவு: மே 25, 2019 00:00 AM மாற்றம்: மே 25, 2019 18:43 PM
சென்னை,

தமிழகத்தில் வேலூர் தவிர்த்து நடந்து முடிந்த 38 நாடாளுமன்ற தொகுதிகளில் தேனி தவிர மற்ற அனைத்து தொகுதிகளிலும் தி.மு.க. கூட்டணி வெற்றி பெற்றது.  தி.மு.க. கூட்டணி கட்சிகள் (விடுதலை சிறுத்தை கட்சி போட்டியிட்ட சிதம்பரம் தொகுதியை தவிர), அ.தி.மு.க. கூட்டணி கட்சிகளை அதிக ஓட்டு வித்தியாசத்தில் வீழ்த்தி வெற்றி பெற்றுள்ளன.

இந்த நிலையில், தி.மு.க. நாடாளுமன்ற குழு தலைவர், துணைத்தலைவர் பொறுப்புகளில் யார் யாரை நியமிப்பது என்பது பற்றி அக்கட்சியின் ஆலோசனை கூட்டம் இன்று நடைபெற்றது.  இதற்காக டி.ஆர்.பாலு, ஜெகத்ரட்சகன், தயாநிதி மாறன், ராசா உள்ளிட்ட புதிதாக தேர்ந்தெடுக்கப்பட்ட தி.மு.க. எம்.பி.க்கள் அண்ணா அறிவாலயத்திற்கு வந்தனர்.  இதனை தொடர்ந்து தி.மு.க. தலைவர் மு.க. ஸ்டாலின் தலைமையில் தி.மு.க. எம்.பி.க்கள் கூட்டம் நடந்தது.

இந்த கூட்டத்தின் முடிவில், தி.மு.க. மக்களவை குழு தலைவராக டி.ஆர். பாலு தேர்வு செய்யப்பட்டு உள்ளார்.  தி.மு.க. மக்களவை குழு துணை தலைவராக கனிமொழி, பொருளாளராக எஸ்.எஸ்.பழனிமாணிக்கம் தேர்வு செய்யப்பட்டு உள்ளனர்.  இதேபோன்று தி.மு.க. மக்களவை கொறடாவாக முன்னாள் மத்திய மந்திரி ஆ. ராசா,
மாநிலங்களவை தி.மு.க. குழு தலைவராக திருச்சி சிவா, மாநிலங்களவை தி.மு.க. கொறடாவாக டி.கே.எஸ். இளங்கோவன் ஆகியோர் தேர்வு செய்யப்பட்டனர்.

இந்த கூட்டத்தில், மக்களே எஜமானர்கள்.  மக்களே மகேசர்கள் என்பதை மறவாமல் நாள்தோறும் மக்கள் பணியாற்ற வேண்டும் என்று தீர்மானம் நிறைவேற்றப்பட்டது.
மேலும் செய்திகள்
டெல்லியில் பா.ஜ.க. நாடாளுமன்ற குழு தலைவராக பிரதமர் மோடி தேர்வு
டெல்லியில் பா.ஜ.க. நாடாளுமன்ற குழு தலைவராக பிரதமர் மோடி தேர்வு செய்யப்பட்டு உள்ளார்.
பதிவு: மே 25, 2019 00:00 AM மாற்றம்: மே 25, 2019 18:27 PM
புதுடெல்லி,

நாடாளுமன்ற தேர்தலில் பா.ஜனதா அதிக இடங்களை கைப்பற்றி தனி பெரும்பான்மை பெற்றுள்ளது. பா.ஜனதா தலைமையிலான தேசிய ஜனநாயக கூட்டணி 350க்கும் அதிகமாக இடங்களை கைப்பற்றி இருக்கிறது.

இந்நிலையில் பிரதமர் தேர்வு, புதிய அரசு பொறுப்பேற்பு ஆகியவற்றுக்காக பா.ஜனதா எம்.பி.க்கள் மற்றும் கூட்டணி கட்சிகளின் எம்.பி.க்கள் கூட்டம் நாடாளுமன்ற வளாகத்தில் இன்று மாலை தொடங்கியது.  இந்த கூட்டத்தில் பங்கேற்க புதிதாக தேர்ந்தெடுக்கப்பட்ட எம்.பி.க்கள் நாடாளுமன்ற வளாகத்திற்கு வருகை தந்தனர்.  அக்கட்சியின் தேசிய தலைவர் அமித்ஷா, மூத்த தலைவர் எல்.கே. அத்வானி உள்ளிட்டோரும் வருகை தந்துள்ளனர்.

டெல்லியில் நடைபெறும் பா.ஜ.க. கூட்டணி கட்சி எம்.பி.க்கள் கூட்டத்தில் பா.ஜ.க. நாடாளுமன்ற குழு தலைவராக பிரதமர் மோடியின் பெயரை அமித்ஷா, ராஜ்நாத் சிங், நிதின் கட்கரி, தேசிய ஜனநாயக கூட்டணி கட்சி தலைவர்கள் உள்ளிட்டோர் முன்மொழிந்தனர்.  இதன்பின் அவர் ஒருமனதாக தேர்வு செய்யப்பட்டார்.  இதனை தொடர்ந்து மூத்த தலைவர்கள் அத்வானி, முரளி மனோகர் ஜோஷி காலில் விழுந்து மோடி ஆசி பெற்றார்.

இந்த கூட்டத்தில், தமிழக முதல் அமைச்சர் பழனிசாமி, பீகார் முதல் அமைச்சர் நிதிஷ் குமார், உத்தர பிரதேச முதல் அமைச்சர் யோகி ஆதித்யநாத், மத்திய மந்திரிகள் ஸ்மிருதி இராணி, சுஷ்மா ஸ்வராஜ், நிர்மலா சீதாராமன் உள்ளிட்டோரும் பங்கேற்றுள்ளனர்.  இதனை தொடர்ந்து தேசிய தலைவர் அமித்ஷா கூட்டத்தில் பேசி வருகிறார்.
மேலும் செய்திகள்
தொடர்புடைய செய்திகள்
தேர்தலில் மகத்தான வெற்றி பெற்ற பிரதமர் மோடிக்கு கனடா பிரதமர் வாழ்த்துக்களை தெரிவித்துள்ளார்.
பிரதமர் மோடிக்கு எதிர்க்கட்சியை சேர்ந்த தலைவர்கள் வாழ்த்து தெரிவித்துள்ளனர்.
பிரதமர் மோடி டுவிட்டரில் ‘காவலாளி’ என்ற அடைப்பெயரை நீக்கினார்.
நாடாளுமன்ற தேர்தல் வெற்றியை அடுத்து பிரதமர் மோடிக்கு பாகிஸ்தான் பிரதமர் இம்ரான் கான் வாழ்த்து தெரிவித்ததுடன் தெற்காசிய அமைதிக்கு இணைந்து பணியாற்ற விருப்பம் தெரிவித்துள்ளார்.
ஆந்திர சட்டசபை தேர்தலில் வெற்றி பெற்ற ஒய்.எஸ்.ஆர். காங்கிரஸ் தலைவர் ஜெகன் மோகன் ரெட்டிக்கு பிரதமர் மோடி தனது வாழ்த்தினை தெரிவித்து கொண்டார்.
தி.மு.க. நாடாளுமன்ற குழு தலைவர், துணைத்தலைவர் நியமனம் பற்றி அண்ணா அறிவாலயத்தில் ஆலோசனை
தி.மு.க. நாடாளுமன்ற குழு தலைவர், துணைத்தலைவர் நியமனம் பற்றி அண்ணா அறிவாலயத்தில் ஆலோசனை மேற்கொள்ளப்படுகிறது.
பதிவு: மே 25, 2019 00:00 AM மாற்றம்: மே 25, 2019 17:27 PM
சென்னை,

தமிழகத்தில் வேலூர் தவிர 38 நாடாளுமன்ற தொகுதிகளில் தேர்தல் நடந்து முடிந்தது.  இந்த தேர்தலில் தேனி தவிர மற்ற அனைத்து தொகுதிகளிலும் தி.மு.க. வெற்றி பெற்றது. தி.மு.க. கூட்டணி கட்சிகள் (விடுதலை சிறுத்தை கட்சி போட்டியிட்ட சிதம்பரம் தொகுதியை தவிர), அ.தி.மு.க. கூட்டணி கட்சிகளை அதிக ஓட்டு வித்தியாசத்தில் வீழ்த்தி வெற்றி பெற்றுள்ளன.

இந்த நிலையில், தி.மு.க. நாடாளுமன்ற குழு தலைவர், துணைத்தலைவர் பொறுப்புகளில் யார் யாரை நியமிப்பது என்பது பற்றி அக்கட்சியின் ஆலோசனை கூட்டம் இன்று நடைபெறுகிறது.

இதற்காக டி.ஆர்.பாலு, ஜெகத்ரட்சகன், தயாநிதி மாறன், ராசா உள்ளிட்ட புதிதாக தேர்ந்தெடுக்கப்பட்ட தி.மு.க. எம்.பி.க்கள் அண்ணா அறிவாலயத்திற்கு வருகை தந்துள்ளனர்.  இதனை தொடர்ந்து தி.மு.க. தலைவர் மு.க. ஸ்டாலின் தலைமையில் தி.மு.க. எம்.பி.க்கள் கூட்டம் நடைபெற உள்ளது.
மேலும் செய்திகள்